Beınejetondy polıseılerge Qostanaı oblystyq ishki ister departamenti Jergilikti polısııa qyzmeti bastyǵynyń orynbasary Qurmet Májikenov tabys etti. Ol beınejeton polıseılerdi de, jol qozǵalysyna qatysýshylardy da tártipke daǵdylandyratynyn aıtty. Eger jol ústinde daýly másele týyndaı qalsa, Qostanaı oblystyq ishki ister departamentiniń jergilikti polısııa qyzmetine aryz berip, jetondaǵy beınejazýdy qaraýǵa bolady. Serverde avtomatty túrde jazylǵan beınejazý eki-úsh jylǵa deıin saqtalady.
Beınejetondy taǵyp júrgen polıseı onyń jazýyn qadaǵalaı almaıdy, qysqasy eshqandaı ózgeris engizýge múmkindigi qalmaıdy. Jetondy alǵash patrýlde paıdalanǵan aǵa serjant Áset Baıtasov onyń jumysqa óte qolaıly, tıimdiligin aıtty. «Jańa tehnıkanyń arqasynda jumys jeńildedi. Beıne taspa quqyq buzýshylardyń qylyǵyn tap bastyrmaı dáleldeýge kómektesedi.Bizdiń qolymyzdan beınejetondy baıqaǵan olar da ózderin polıseı aldynda sypaıy ustaýǵa tyrysady» dedi Áset Baıtasov.
«Túnde jol qozǵalysyn buzatyndar, ásirese, rýlge ishimdik iship alyp otyratyndar jıi kezdesedi.Olarmen daýly máseleler týyndaǵanda esh qıyndyqsyz dáleldep shyǵamyz» dedi polısııanyń jol-patrýldik batalonynyń aǵa serjanty Jaqsylyq Muhamedıarov.
Názıra Járimbetova, «Egemen Qazaqstan»
